Monday, December 10, 2012

شو بتفرق التفاصيل!؟




كيف يومك وشو عملت؟
دايما منسأل مع انه بالواقع... مش مهم التفاصيل
المهم الكلمة الي منستنى نسمعها بدون ما نسأل
منحكي كتير أو شوي؟
مش مهم التفاصيل
بس مهم كتير نبرة صوتك لما بتتلهف علي
مزاجنا رايق أو معجوقين؟
مش فارقة التفاصيل
بس مهم الابتسامة الي بسمع صوتها أول ما تعرف انه هذا صوتي عالتليفون 
اتصلت بالليل أو بالنهار؟
شو بتفرق التفاصيل
المهم انك اتصلت وانت على بالي
مشتاقلي كتير أو شوي؟
مش مهم التفاصيل
بس بتفرق معي لشو مشتاق فيي بالزبط
احط غنية وطنية أو غرامية؟
مش فارقة التفاصيل
المهم انك سمعتها
انسى كل التفاصيل...  بس قلي....
 كيفك؟